2025 жылғы 31 қазанда Орталық мемлекеттік ғылыми-техникалық құжаттама архивінің басшылық құрамы және қызметкерлері Абылай хан атындағы Қазақ халықаралық қатынастар және әлем тілдері университеті қазақ филологиясы кафедрасы қазақ тіл білімін зерттеуші ғалым, филология ғылымдарының докторы, профессор Т.Қоңыровтың 90 жылдық мерейтойына орай өткізген «Когнитивтік лингвистикадағы теңеу концептісі: ұлттық дүниетаным және тіл» атты халықаралық ғылыми-теориялық конференциясына қатысты.
Конференция жұмысы когнитивтік лингвистика және тіл үйретудің заманауи парадигмалары; мәдениетаралық коммуникация және лингвомәдениеттану контекстіндегі заманауи мәселелер; корпустық лингвистика және тілдерді оқыту мәселелері; жасанды интеллект және қазақ тіл білімінің жаңа даму бағыттары және жаһандану дәуіріндегі ұлттық құндылықтар сынды негізгі тақырыптық бағыттар бойынша жүргізілді.
Орталық мемлекеттік ғылыми-техникалық құжаттама архивінің директоры, заң ғылымдарының магистрі Жұматаева Баян Амантайқызы Абылай хан атындағы Қазақ халықаралық қатынастар және әлем тілдері университеті ұжымына осындай айтулы мерекеге өзінің жылы лебіздерін жеткізіп, «Профессор Т.Қоңыровтың 90 жылдығына» атты баяндама жасады. Архив қызметкері Эркеайым Алиаскарова «Тұрағұл Қоңыровтың ғылыми мұрасы: Орталық мемлекеттік ғылыми-техникалық құжаттама архиві қорының деректері негізінде» баяндамасын жасады және конференция қатысушылардың назарына ОМҒТҚА-да Тұрағұл Қоңыровтың жеке тектік қорындағы ғалымның отбасына, өміріне, шығармашылығына қатысты бірегей құжаттар негізінде дайындалған көрме ұсынды.