«Архив-2025: архивтегі аманат» республикалық ғылыми-тәжірибелік конференциясы аясында «Архив құжаттарын сканерлеу және цифрландыру» тақырыбында топтық семинар және мемлекеттік және ведомстволық архивтер қызметкерлері үшін «Е-Архив» АЖ жұмысы бойынша оқыту өтті.
ҚР Мәдениет және ақпарат министрлігі Архив, құжаттама және кітап ісі комитетінің мемлекеттік саясат және нормативтік - құқықтық реттеу басқармасының басшысы Салтанат Нұртасқызы Тащанова семинар қатысушыларына өзінің құттықтау сөзін жеткізді.
Орталық мемлекеттік ғылыми-техникалық құжаттама архивінің директоры Баян Жұматаева семинарда слайдтармен көрсетілген «Ғылыми-техникалық құжаттарды сканерлеудің ерекшеліктері» атты баяндама жасады.