Бүгін «Turkistan» газетінде Мемлекет басшысы Қасым-Жомарт Тоқаевтың басылымның бас редакторы Бауыржан Бабажанұлына берген сұхбаты жарияланды. Онда Президент ішкі және сыртқы саясатқа, елдің әлеуметтік-экономикалық дамуына және басқа да өзекті тақырыптарға қатысты сұрақтарға жауап берді. Ол «Turkistan» газеті 30 жылдық тарихы бар Қазақстанның ең ықпалды басылымдарының бірі болып табылатынын және елдегі өзекті оқиғаларды жариялайтынын атап өтті.
Сұхбатта қазақстандықтарды толғандыратын энергетикалық және коммуналдық секторларды реформалау, инфрақұрылымның дағдарысты тозу проблемасы, жасанды интеллектті дамыту, транзит пен логистиканың маңыздылығы сияқты мәселелер талқыланды.
Мемлекет басшысы өз сұхбатында жүзеге асырылып жатқан ауқымды реформалар мен жан-жақты жаңғырту бағыты әділ әрі бәсекеге қабілетті мемлекет құруға мүмкіндік беретініне сенім білдірді.
Орталық мемлекеттік ғылыми-техникалық құжаттама архивінің қызметкерлері әлеуметтік желілерде мемлекет басшысының бастамаларына қолдау білдірді және мемлекеттілік пен елдің әл-ауқатын көтеру бойынша айтқан мәселелерінің маңыздылығын атап өтті.