2026 жылғы 16 наурызда Орталық мемлекеттік ғылыми-техникалық құжаттама архивінің Құжаттардың сақталуын қамтамасыз ету және құжаттарға ҒАА бөлімінің біліктілігі жоғары деңгейдегі маман-архивист Айгүл Абдрахманова архив қызметкерлері үшін «Орталық мемлекеттік ғылыми-техникалық құжаттама архивінің құжаттарын «Е-Архив» жүйесіне енгізу» тақырыбында өндірістік оқу өткізді. Бұл жүйе «Цифрлық Қазақстан» мемлекеттік бағдарламасы аясында құжат айналымын толық цифрлық циклге көшіру үшін енгізілді.
Маман жалпы жүйенің құжаттарды қабылдау мен сақтауды автоматтандыру; ведомстволық және мемлекеттік архивтер арасындағы электронды іс-қимылды реттеу; жеке және заңды тұлғаларға архивтік анықтамаларды онлайн форматта беру сынды негізгі міндеттеріне тоқталды. Сонымен қатар артықшылықтарын атап өтті, мысалы, құжаттарды мемлекеттік архивке өткізу үшін қағазға басып шығарудың қажеті жоқ екендігі, көпжылдық архив деректерін кілт сөздер арқылы бірнеше секундта табуға болатындығы, құжаттардың бүлінуінен немесе жоғалуынан қорғалған орталықтандырылған серверлерде сақталуы.