2026 жылғы 10-сәуірде Орталық мемлекеттік ғылыми-техникалық құжаттама архиві әл-Фараби атындағы Қазақ ұлттық университетінің Тарих факультетімен бірлесіп, 12-сәуір – Қазақстан Ғылым қызметкерлерінің күні мерекесіне орай «Тұлғалар мұрасындағы ғылыми-техникалық құжаттар: сипатталуы, сақталуы және пайдаланылуы» атты республикалық дөңгелек үстел өткізді. Бұл күн көрнекті қазақстандық ғалым-геолог және Қазақ КСР Ғылым академиясының тұңғыш президенті Қаныш Сәтпаевтың туған күніне орайластырылған.
Іс-шараның басты мақсаты ОМҒТҚА қорларындағы Қазақстан ғылымының даму жетістіктерінің көрсеткіші саналатын ғылыми-техникалық құжаттаманы және осы салаға еңбегі сіңген зерттеуші-ғалымдардың мұрасын жинақтау, сақтау және дәріптеу болды. Сонымен қатар цифрландыру дәуіріндегі заманауи архивтердің еліміздің ғылыми-интеллектуалдық әлеуетін көтерудегі зор мүмкіндіктеріне қоғам назарын аударып, осыған қатысты өзекті мәселелер талқыланды.
Іс-шараға сала мамандары, архив қызметкерлері, ғалымдар, зерттеушілер, оқытушылар, магистранттар мен докторанттар қатысты.