Бүгін Орталық мемлекеттік ғылыми-техникалық құжаттама архивінің қызметкерлері Ұлттық кітап күніне орай Қазақстан Республикасы Президенті сыйлығының лауреаты, Қазақстанның еңбек сіңірген қайраткері, публицист, жазушы, баспагер, Оңтүстік Америка үндістерінің өркениетін зерттеуші Сүлейменов Бейсенбай Жолдасбекұлының шығармашылығына арналған ұлттық рух пен тарихи сананы жаңғыртатын «Бабалар сөзі - болашаққа аманат» библиофреш шарасына қатысты.
Ғалымдар, журналистер, кітапхана қызметкерлері, жоғары оқу орындары мен колледж студенттері, мектеп оқушылары қатысқан кеште басты кейіпкердің қазақ әдебиеті мен мәдениетіне қосқан зор үлесі мен шығармашылығы жайында қызығушылық тудыратын әдемі әңгіме өрбіді. Жазушының еңбектері арқылы келген қонақтар бабалар мұрасымен танысып, рухани құндылықтардың тереңіне бойлады.