2026 жылғы 24 шілдеде Орталық мемлекеттік ғылыми-техникалық құжаттама архивінің қызметкерлері Қазақстан Республикасының Ұлттық орталық музейінде қазақ бейнелеу өнерінің көрнекті өкілдері – Қазақстанның Халық суретшісі Сахи Романовтың 100 жылдығы және Қазақстанның еңбек сіңірген қайраткері Тұрсын Әбуовтың 90 жылдығына орай өткізген «Қазақ өнерінің қос шебері» көрмесінің ашылу салтанатына қатысты.
Көрме экспозициясы Қазақстан Республикасы Ұлттық орталық музейінің бейнелеу өнері қорындағы қос суретшінің туындыларды – кескіндемелік шығармалары, графикалық жұмыстары, эскиздер және нобайларымен таныстырады. Көрмеге қойылған көптеген туындылар бұған дейін көпшілік назарына сирек ұсынылғанымен, суретшілердің шығармашылық әдістерін тереңірек танып-білуге мүмкіндік берді.
Көрермендер көрме барысында өнер туындыларымен танысып қана қоймай, шығармалар дүниеге келген дәуірдің тынысын сезініп, суретшілердің кәсіби жолы мен шығармашылық даралығын танытатын жеке заттарын да тамашалады.