2026 жылғы 27 тамызда Алматы қаласында Қазақстан Республикасы Мәдениет және ақпарат министрлігінің вице-министрі Рустам Әлидің қала тұрғындарымен кездесуі өтті. Кездесудің негізгі мақсаты – азаматтардың ұсыныстары мен пікірлерін тыңдау, мәдениет және ақпарат салаларындағы өзекті мәселелерді талқылау, сондай-ақ халықпен ашық диалог орнату. Кездесуге Орталық мемлекеттік ғылыми-техникалық құжаттама архивінің директоры Жұматаева Баян Амантайқызы қатысты. Кездесу барысында мәдениет, ақпарат және архив салаларының қазіргі жағдайы мен даму перспективаларына, сондай-ақ Алматы қаласының дамуына қатысты өзекті мәселелер талқыланды. Азаматтар тарапынан бірқатар ұсыныстар айтылып, салаға қатысты сауалдар қойылды. Қойылған сұрақтарға тиісті жауаптар берілді.