Елбасы Н.Ә. Назарбаевтың «Ұлы даланың жеті қыры» мақаласында стратегиялық, перспективалық болашағы зор, ұзақ жылдарға арналған «Архив – 2025» сияқты бағдарламалардың қолға алынуы тарихымызды түгендеудің қамы. Мұндай тың жобалар барлығымызды жұмылдырады». Бұл туралы «Орталық мемлекеттік ғылыми-техникалық құжаттама архиві» РММ директоры Баян Жұматаева айтты. Естеріңізге сала кетейік, Нұр-Сұлтан қаласындағы Ұлттық архивте «Архив – 2025» бағдарламасын дайындауға қатысып жатқан жұмыс кеңесінің үшінші күнінде архив мамандары еліміздің тарихына қатысты әлемдік архивтерде жатқан құжаттардың көшірмелерін елге әкелу, сондай-ақ, шетелде жүргізілетін іргелі зерттеу жұмыстарына бөлінетін қаржы көлемін қарастырып, ғылыми көзқарастарды ойталқы өзегіне айналдырды.