2019 ж. 12 сәуірінде ОМҒТҚА қызметкерлері Ж. Қаламбаева мен Н. Тұрсынбек әл-Фараби атындағы Қазақ Ұлттық университетінің Тарих, археология және этнология факультетінің Дүние жүзі тарихы, тарихнама және деректану кафедрасы ҚР ПРезиденті архивінің базасында ұйымдастырған «Архивтану, құжаттану және құжаттаманы басқаруды қамтамасыз ету» мамандығы бойынша «Архив ісі және құжаттану» оқу-өндірістік кафедрасының ашылуының тысаукесеріне қатысты.
Тысаукесерден кейін архивтану және іс жүргізуді ұйымдастыру бойынша IV қалалық студенттердің олимпиадасы өтті. Олимпиадаға әл-Фараби атындағы Қазақ Ұлттық және Абай атындағы Қазақ Ұлттық педагогикалық университеттерінің 6 командасы қатысты. Бірінші кезеңде – сәлемдесу байқауында командалар өздерінің шығармашылық қабілеттерін көрсетті, екінші кезеңде - үй тапсырмасы бойынша студенттер ғылыми жобаларының таныстырылымын өткізді. ОМҒТҚА ақпарат және құжаттарды пайдалану бөлімінің басшысы Ж. Қаламбаева олимпиаданың қазылар алқасының мүшесі болып қатысты.
Іс-шаралар ҚР Президенті архивінде Жастар жылы аясында «Архив-2025» бағдарламасын іске асыру шеңберінде өтті.