2019 ж. 16 мамырында ОМҒТҚА қызметкері Ж. Қаламбаева ҚР Мемлекеттік орталық музейінде өткен суретші-график, ҚР Суретшілер одағының мүшесі Фатима Таразидің «Тұран» атты жеке көркем туындылар көрмесінің ашылуына қатысты. Ф. Тарази жақын және алыс шетелдердің - Австрия, Германия, Болгария, Чехословакия, Иемен Араб Республикасы, Эфиопия, Марокко, Никарагуа, Мозамбик, Мексика, Польша, Венгрия, АҚШ, Швейцария, Франция, Италия және т.б. бүкілодақтық, республикалық, аймақтық көрмелердің қатысушысы. 1997 жылы ол ЮНЕСКО қамқорлығымен Франциядағы (Париж қ.) өткен «Женщины за мир и культуру» атты бүкіләлемдік форумға қатысып, жеке көрмеде өз шығармаларын ұсынды.
Қазіргі уақытта Фатиманың жұмыстары Қазақстан Республикасының музейлерінде, Италияның Милан галереясында, АҚШ-тың (Вашингтон қ.) жеке коллекцияларында және Батыс Еуропа елдерінде сақталуда. 2010 жылы ҚР Тұңғыш Президентінің Қоры екі көркем жұмысты сатып алды. Ф. Тарази Республикалық «Жігер» жастар фестивалінің лауреаты, Бакудегі халықаралық көрменің дипломанты (1983 ж.), Мемлекеттік Президенттік стипендияның стипендианты (2012 ж.). 2016 жылы «Манас» дүниежүзілік эпосына автолитография сериясы үшін алтын медальмен марапатталған. Ф. Тарази Қазақстан Республикасының 100 көрнекті қайраткерлерінің қатарына кіреді.
Көрмеге шебердің 100-ге жуық шығармалары қойылды.