2024 жылғы 6 маусымда Орталық мемлекеттік ғылыми-техникалық құжаттама архивінің директоры Б.Жұматаева Шымкент қалалық мемлекеттік архиві ұйымдастырған «Қазақстан мен Өзбекстан: екі ел арасындағы архив саласының даму аспектілері» атты дөңгелек үстелге қатысты. Шара модераторы Шымкент қалалық мемлекеттік архивінің директоры Амангелдиева Айпар Шажалықызы болды.
Баян Амантайқызы өз сөзінде Орталық мемлекеттік ғылыми-техникалық архивінің ұйымдар қорлары және жеке тектік қорлары құжаттар негізінде ұсынылған «Химик ғалымдар» атты бірлескен архивтік құжаттар көрмесінің дайындалуы және тұсаукесері туралы ақпаратпен бөлісті. Атап айтқанда, көрнекті физик-химик, қышқылдар мен негіздердің жалпыланған теориясының авторы, Қазақ КСР Ғылым академиясының академигі, Өзбек және Қазақ КСР-нің еңбек сіңірген қайраткері, химия ғылымдарының докторы, профессор Михаил Ильич Усановичтің құжаттарын атауға болады.
Дөңгелек үстел жұмысына Қазақстан Республикасы Мәдениет және ақпарат министрлігі Архив, құжаттама және кітап ісі комитеті төрағасының орынбасары Роллан Қабылұлы Құспан қатысты .
Сондай-ақ шараға Қазақстан мен Өзбекстанның архив мекемелерінің басшылары, тарихшылар, БАҚ өкілдері қатысты.