Қазақстан Республикасы Үкіметінің 2019 жылғы 20 желтоқсандағы №953 қаулысымен бекітілген «Архив-2025» кешенді бағдарламасын іске асыру аясында Қазақстан Республикасы Мәдениет және ақпарат министрлігі Архив, құжаттама және кітап ісі комитетінің Орталық мемлекеттік ғылыми-техникалық құжаттама архивінің қызметкерлері шетел архивтерінен Қазақстан тарихына қатысты құжаттар мен материалдар көшірмелерін анықтау бойынша ғылыми-зерттеу жұмыстарын жүргізу мақсатында Чехия Республикасының астанасы Прага қаласында жұмыс жүргізуде.
Олар Чехияның Ұлттық (Халықтық) архивінде, Ұлттық кітапханасында, Еуропадағы ең ірі және маңызды славян кітапханаларының бірі саналатын Славян кітапханасында, Ұлттық музей мен Напрстек атындағы Азия, Африка және Америка халықтары мәдениеттерінің музейінде құжаттар мен материалдар анықтау бойынша ғылыми жұмыс жүргізді.
Чех архивтерінде жұмыс істеген кезде қазақстандық архивистерге Алматы қаласында болғанда онлайн кездесулер арқылы тығыз достық қарым-қатынас орнатқан белгілі чех ғалымы, профессор Иржи Шима қолдау көрсетуде.
Сонымен қатар архив қызметкерлері Чехия Республикасының Әскери-терихи архиві мен Әдебиет архивінде жұмыс жүргізетін болады. Осы жұмыс нәтижесінде Қазақстанның Ұлттық архив қоры құнды деректермен толығатынына сеніміміз мол.