Орталық мемлекеттік ғылыми-техникалық құжаттама архивінің қызметкерлері Қазақстан Республикасының Президенті Қасым-Жомарт Тоқаевтың «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан халқына Жолдауын тыңдады.
Мемлекет басшысы өз жолдауында ақша-несие саясаты, инвестициялық ахуалды және бизнес жүргізу, өнеркәсіп әлеуетін арттыру, инфрақұрылым, кадрлық әлеуеті, ұлт саулығын нығайту сынды қоғамдағы өзекті мәселелерді шешу қажеттілігіне басты назар аударды. Цифрландыру саласында қол жеткізген жетістіктердің ішінде «Электронды үкімет» платформасына жасанды интеллект технологиясын енгізіп, цифрлық технологияларды дамытып жатқан елге айналу керек екендігін атап өтті. Бұл еліміздің архивтерінде бүгінгі таңда қызу қарқында іске асырылып жатқан архивтік құжаттарды цифрлы форматқа көшіру үрдісіне қатысты деуге болады.
Сонымен қатар, мектептердің жұмысын жақсарту, мұғалімдердің біліктілігін арттыруға және әлеуметтік мәртебесін көтеру және өзге де маңызды саналатын мәселелер де Мемлекет басшысының назарынан тыс қалған жоқ.