Бүгін архив саласындағы ынтымақтастық бойынша Ресей-Қазақстан комиссиясының V отырысы аясында Қазақстан Республикасы Мәдениет және ақпарат министрлігінің Архив, құжаттама және кітап ісі комитеті Солтүстік Қазақстан облысының мемлекеттік архиві базасында архивтің және филиалдарының қызметкерлері үшін архив саласының заңнамасы нормалары мен өзгерістерін түсіндіру бойынша семинар ұйымдастырды. Семинарды Архив, құжаттама және кітап ісі комитетінің басқарма басшысы Салтанат Тащанова өткізді. Орталық мемлекеттік ғылыми-техникалық құжаттама архивінің директоры Баян Жұматаева шараға қатысып, архившілерге Орталық мемлекеттік ғылыми-техникалық құжаттама архивінің жұмысы, ғылыми, техникалық және жобалық құжаттаманы қалыптастыру, сақтау ерекшеліктері жөнінде айтты. Архив қызметкерлеріне бұл ақпарат қызықты және жұмыстарында қажет болғаны сөзсіз.