Қазақстан Республикасының Президенті Қасым-Жомарт Тоқаев өзінің биылғы Қазақстан халқына Жолдауында 2025 жылды «Жұмысшы мамандықтары жылы» деп жариялады және тиісті Жарлыққа қол қойды. Бұл бастама жұмысшы мамандықтарды дәріптеу арқылы қоғамда еңбекқор және нағыз маман болып қалыптасу идеясын насихаттауды көздейді.
2025 жылғы 22 қаңтарда Алматы көпсалалы колледжі жұмысшы мамандықтар жылы бойынша шаралар ұйымдастыру мақсатында әлеуметтік серіктестермен және жұмыс берушілермен барлық мамандықтар бойынша форсайт-сессиялар өткізді.
Орталық мемлекеттік ғылыми-техникалық құжаттама архивінің қызметкерлері архивші мамандығы бойынша форсайт-сессияға қатысып, қазіргі ақпараттық технологиялар заманында архив ісі саласындағы жаңалықтар, архившілердің мемлекетіміздің тарихын сақтап болашақ ұрпақтарға мұра етудегі маңыздылығына тоқталды.
Кездесу қорытындысы бойынша жұмысшы мамандар дайындау бойынша оқу бағдарламалдарды жаңарту және өзектендіру бойынша бірқатар ұсыныстар әзірленді.