2025 жылғы 31 қаңтарда Орталық мемлекеттік ғылыми-техникалық құжаттама архивінің қызметкерлері Орталық мемлекеттік архив өткізген тарих ғылымдарының докторы, профессор Х. Тұрсұнның, Қазақстанның «Әділет» тарихи-ағарту қоғамының ғылыми хатшысы С.Қ.Қожықованың және Қ.А. Ясауи атындағы ХҚТУ докторанты Х. Астың құрастыруымен жарық көрген «Қоңырқожа Қожықов – Ұлттық элитаның көрнекті өкілі» жинақтың таныстырылымына қатысты.
Шара Алаш қайраткері, ағартушы, саяси қуғын-сүргін құрбаны Қоңырқожа Қожықовтың өмір жолын насихаттау, тағылымға толы қызметі мен шығармашылығын архив құжаттары негізінде талқылау мақсатында ұйымдастырылды.