2025 жылдың 13 мамыры күні Орталық мемлекеттік ғылыми-техникалық құжаттама архивінде жеке тектік құжаттарын мемлекеттік сақтауға архивке тапсыру мақсатында Америкалық кардиология алқасының кеңесшісі, Америка кардиология қауымдастығының клиникалық кардиология консулы, Қазақ кардиология және ішкі аурулар ғылыми-зерттеу институтының құрметті директоры, медицина ғылымдарының докторы, профессор Рысмендиев Армен Жаксыбекұлы болды.
Архив директоры Жұматаева Баян Амантайқызы қонақтарға республикамызда халық шаруашылығының, ғылым мен техниканың аса құнды және соңғы жетістіктерін көрсететін ғылыми-техникалық құжаттаманың орталықтандырылған есепке алынуын, сақталуын және пайдаланылуын қамтамасыз ететін бейінді архивтің қызметі, құжаттар мен қорлар мазмұнына тоқталып, танымдық экскурсия жүргізді. Архив басшысы сонымен қатар Армен Жаксыбекұлының отандық кардиология тарихына қатысты құжаттары зерттеушілерге құнды деректік база болары сөзсіз екендігін атап өтті.