2025 жылдың 14 мамырында Орталық мемлекеттік ғылыми-техникалық құжаттама архивінде осы қорды құрушылардың бірі Мансур Тәйжінің ұлы Омір Тәйжі қонақта болды. Ол әкесінің жеке тектік қорын отбасы архивіндегі материалдармен және фотоқұжаттармен толықтырды. ОМҒТҚА-де Қазақстан Республикасы Қоғамдық ғылымдар академиясының академигі, қазақтардың Түркияға көші-қоны жетекшілерінің бірі Құсайын Тәйжінің ұлы, «Переселение казахов с Восточного Туркестана в Анадолу и Осман Таштан» кітабының авторларының бірі Мансур Тәйжінің жеке тектік қоры ашылған.
Архив директоры Баян Амантайқызы Жұматаева қонақты халық шаруашылығының, ғылым мен техниканың аса құнды және соңғы жетістіктерін көрсететін ғылыми-техникалық құжаттамаларды орталықтандырылған есепке алуды, сақтауды және пайдалануды қамтамасыз ететін ғылыми-техникалық құжаттама архивінің тарихымен таныстырды. Түркидан келген қонаққа архивте танымдық экскурсия ұйымдастырылды және архив жинақтары мен әкесінің құжаттары енгізілген жеке тектік қор құжаттары бойынша жөнсілтер сыйға табысталды.