2025 жылдың 20 мамырында Орталық мемлекеттік ғылыми-техникалық құжаттама архивінде Құжаттардың сақталуын қамтамасыз ету, мемлекеттік есепке алу және ҒАА бөлімінің біліктілігі жоғары деңгейдегі маман-архивисі А.Байсарина әріптестеріне «Істердің бар-жоғын және физикалық жай-күйін тексеру, нәтижелерін ресімдеу» тақырыбында өндірістік оқу өткізді. Оқулардың бұл түрлері архив қызметкерлерінің теориялық білімі мен практикалық дағдыларын меңгеруге бағытталған.
Архивтік құжаттардың бар-жоғын және жай-күйін тексеру кезінде баса назар аударуды қажет ететін негізгі жұмыс кезеңдері: архивтік құжаттарды сөрелерде және бастапқы сақтау орындарында орналастыру тәртібі; архив қорының сақтау бірліктерін дұрыс орналастыру; зеңмен, биологиялық зиянкестермен ластанған, сондай-ақ физикалық ақаулары бар құжаттармен жұмыс істеу болып табылады.