Бүгін Орталық мемлекеттік ғылыми-техникалық құжаттама архивінде Ақпараттық технологиялар және цифрландыру бөлімінің қызметкерлерімен архивтік құжаттарды жинақтау, сақтау және пайдалану жұмыстарын жетілдіру мәселелері бойынша дирекцияның отырысы өтті. Қағаз жүзінен электрондық құжат айналымына жаһандық көшу жағдайында архивтік сақтау проблемасы анағұрлым өзекті болып отырғаны ешкімге де құпия емес. Қазіргі жағдайда құжаттарды сақтау тек құжаттану ғана емес, IT-саланы дамытудың перспективалы бағытына да айналып отыр.
Электрондық құжаттарды сақтау, құжаттарды атаулы іздестірудің ұйымдастырушылық тәртібін қамтамасыз ету, тізімдемелерді электрондық форматқа ауыстыра отырып, қолданыстағы ғылыми-анықтамалық аппаратты жетілдіру, архивтің оқу залында пайдаланушыларды ақпараттық қамтамасыз етуде инновацияларды енгізу мәселелері талқыланды. Архивтің электрондық базасын жетілдіру бойынша ұсыныстар айтылды.
ОМҒТҚА ұжымы қоғамның қажеттіліктеріне сәйкес құжаттық ақпаратты жедел іздестіруге мүмкіндік беретін автоматтандырылған іздестіру жүйесін құру бойынша жұмысты жалғастырады.