2025 жылғы 23 мамырда Орталық мемлекеттік ғылыми-техникалық құжаттама архивінің қызметкерлері Қазақстан Республикасы Ғылым және білім министрлігі, Қазақстан Республикасы Мәдениет және ақпарат министрлігі және Абылай хан атындағы Қазақ халықаралық қатынастар және әлем тілдері университеті бірлесіп өткізген «Тілдік және архивтік бейіндегі мамандарды даярлаудағы жасанды интеллект» республикалық стратегиялық сессияның жұмысына қатысты.
Бүгінгі таңдағы өзекті және даму жолында маңызды болып табылатын аталмыш шараға Қазақстан Республикасы Премьер-Министрінің Кеңсесі, Қазақстан Республикасының Ғылым және жоғары білім министрлігі, Қазақстан Республикасының Мәдениет және ақпарат министрлігі, Қазақстан Республикасының Ұлттық академиялық кітапханасы, Назарбаев Университеті жанындағы Зияткерлік жүйелер және жасанды интеллект институты (ISSAI), Қазақстан Республикасының архив мекемелері, Қазақстан Республикасының жоғары және жоғары оқу орнынан кейінгі білім беру ұйымдарының өкілдері қатысты.
Сессия барысында мемлекеттік қызмет жүйесі үшін құжаттану саласы бойынша мамандар даярлау, LLM-технологиялар тілдік және архивтік бағыттағы мамандарды даярлау, жасанды интеллект, цифрлық құзыреттер, кәсіби маманданудың трансформациясы сынды тақырыптар талқыланды.
Қатысушылар цифрландыру жағдайында сала кадрлық әлеуетін дамытуға бағытталған стратегиялық бастамаларды қолдап, кәсіби белсенділік танытқандары үшін Алғыс хаттармен марапатталды.