Орталық мемлекеттік ғылыми-техникалық құжаттама архивінде әл-Фараби атындағы Қазақ ұлттық университетінің студенттері үшін кезекті өндірістік практика аяқталды.
Студенттер тәжірибеден өту барысында архив ісі туралы көп нәрсе біліп, құжаттармен жұмыс істеу ерекшеліктерімен танысты, архив заңнамасы саласындағы нормативтік базаны зерттеді. Олар архив барлық құрылымдық бөлімшелерінде жұмыс істеп, олардың қызметінің негізгі бағыттары туралы көп мәлімет алды, болашақ мамандықтарын жаңаша қырынан ашты. Тәжірибе барысында студенттерге олардың тәлімгерлері - тәжірибеден өткен бөлім мамандары көмек көрсетті.
Архив директоры Баян Амантайқызы студенттердің теориялық дайындық деңгейін, олардың өз білімдерін іс жүзінде қолдана білуін, сондай-ақ олардың тәртіптілігі мен жинақылығын атап өтті. Балаларға денсаулық, табыс және жақсы демалыс тіледі.