2025 жылғы 11 қыркүйекте Орталық мемлекеттік ғылыми-техникалық құжаттама архивінде ЭЦҚ-мен қол қойылған электрондық құжаттар бойынша консультативтік көмек алу мақсатында «Мобайл Телеком-Сервис» ЖШС құжаттамалық қызметінің қызметкерлері Ж.Құрбанова, А.Тайтенова, М.Искаков және А.Орынғұлов болды.
Архив директоры Баян Амантайқызы Жұматаева мен Ұлттық архив қорын толықтыру және ведомстволық архивтер бөлімінің басшысы Инабат Ерғалиева қонақтарды құжаттарды орталықтандырылған есепке алуды, сақтауды және пайдалануды қамтамасыз ететін мамандандырылған архивтің тарихымен таныстырып, архивте сақталатын құжаттар мен қорлардың құрамында қысқаша экскурс жасады.
Қонақтар үшін архивтегі құжаттардың сақталуын көрсететін танымдық экскурсия өткізілді.