ҚАЗ | РУС
Вход
Логин 
Пароль 
ОРТАЛЫҚ МЕМЛЕКЕТТІК ҒЫЛЫМИ-ТЕХНИКАЛЫҚ ҚҰЖАТТАМА АРХИВI

ОМҒ ТҚА анықтамалықтары
Құрметті сайт қолданушылары мен қонақтары!

Орталық мемлекеттік ғылыми-техникалық құжаттама архивінің ресми сайтына қош келдіңіздер!
Архив – халықтың тарихи мұрасы, нақты деректік құжаттарға негізделген мемлекеттің тарихы сақталатын киелі шаңырақ.
Орталық мемлекеттік ғылыми-техникалық құжаттама архиві бүгінгі таңда өнеркәсіп, құрылыс, көлік, байланыс және өнертабыс салалары бойынша отандық ғылым мен техниканың тарихына қатысты құжаттарды сақтайтын бірегей орталық деп сеніммен айтуға болады. Бұл жерде республикалық жетекші мекемелердің ғылыми-зерттеу құжаттамаларында экономиканың, өнеркәсіптің, ауыл шаруашылығының, медицинаның және білімнің әртүрлі салаларындағы ғылыми зерттеулер, азаматтық және өнеркәсіптік құрылысқа арналған металл конструкциялар мен инженерлік құрылымдарды жасау саласында, сондай-ақ ауыл шаруашылығы, тұрмыстық қызмет көрсету, жеңіл және тамақ өнеркәсібі, сондай-ақ медицина салаларында авторлық куәліктер сынды зерттеушілердің қызығушылығын тудыратын құжаттар сақталуда. «Архив-2025» жобасын іске асыру аясында кешенді іс-шаралар жоспарының арқасында шетел архивтерінен Қазақстан тарихына қатысты құжаттардың ауқымды массиві айқындалып елге әкелінді
Соңғы жылдары архивті заманауи жоғары технологиялық жабдықтармен жабдықтауға көп көңіл бөлінуде. Жаңа технологияларды енгізу арқылы құжаттық ақпаратқа қолжетімділікті кеңейтуге, архивтік құжаттарды пайдалануға мүмкіндік артты. Цифрландыру және жаһандану жағдайында архив мекемелерінің өзара іс-қимылы ғылым мен жалпы қоғамның дамуы үшін қажетті ғана емес, сонымен қатар стратегиялық маңызы зор деп санаймыз.
Барлық жұмыс орындары дербес компьютермен, сонымен қатар қажетті құжаттарды жылдам сканерлеу және басып шығару үшін заманауи көпфункционалды кеңсе құрылғыларымен жабдықталған. Бұл өз кезегінде пайдаланушыларға архив құжаттарының сандық нұсқасын онлайн түрде қолдану аясын кеңейтеді.
Архив туралы әлі де көп нәрсе айта аламыз. Оның беттерінде орналасқан ақпарат оның жарты ғасырға жуық құрылу тарихымен, бірегей құжаттарымен танысуға мүмкіндік береді. Архив сайтында өзіңізді қызықтырған сұрақтарыңызды қойып және ең соңғы архив жаңалықтарын біле аласыздар.
Біз әрқашан Сіздермен бірлесіп қызмет етуге қуаныштымыз және Сіздерден архив сайтының жұмысын жетілдіру бойынша ұсыныстарыңызды күтеміз.

Құрметпен, ОМҒТҚА директоры Баян Жұматаева

Фотогалереясы

Жаңалықтар

Барлығын көрсету
20 мамыр 2026 жыл
2026 жылғы 20 мамырда Орталық мемлекеттік ғылыми-техникалық құжаттама архивінің қызметкерлері Орталық мемлекеттік архив тарихшы-архивтанушы, қоғам қайраткері, 1980-1994 және 2000-2002 жылдардағы Қазақстан Республикасы Орталық мемлекеттік архивінің директоры, 1994-1996 жылдардағы Қазақстан Республикасы Министрлер кабинеті жанындағы Бас архив басқармасының басшысы Марат Жақсыбайұлы Хасанаевтың туғанына 80 жылдығына орай өткізген «Тәуелсіз Қазақстандағы архив ісінің өзекті мәселелері және Марат Хасанаевтың мұрасы» атты ІІ «Хасанаев оқулары – 2026» халықаралық ғылыми-тәжірибелік конференциясына қатысты.


19 мамыр 2026 жыл
Бүгін Мәдениет және өнер қызметкерлері күні қарсаңында еліміздің бас қаласы Астанада «Мәдениет және инновация» республикалық форумы өз жұмысын бастады. Форум мәдениет саласына инновациялар, цифрлық технологиялар мен жасанды интеллект құралдарын енгізуге арналған ауқымды алаңға айналды.


15 мамыр 2026 жыл
Жыл сайын бүкіл әлемде 15-ші мамырда Халықаралық отбасы күні атап өтіледі. 1993 жылғы 20 қыркүйекте отбасы проблемаларына қалың жұртшылықтың назарын аудару мақсатында БҰҰ Бас Ассамблеясымен бекітілген бұл мереке әрбір мемлекеттің демографиялық саясатымен бірге әлеуметтік-экономикалық дамуына қомақты ықпал ететін қазіргі қоғамдағы негізгі іргетасы ретінде отбасының маңыздылығын айқындайды.


14 мамыр 2026 жыл
2026 жылғы 14 мамырда Орталық мемлекеттік ғылыми-техникалық құжаттама архивінде архив қызметінің маңызды мәселелерін қарайтын дирекцияның отырысы өтті.
Яндекс.Метрика Разработка и поддержка: ntd.kz