2023 жылғы 31 мамырда ҚР ОМҒТҚА директоры Б.А. Жұматаева «Қазақ әдебиеті: фотошежіре (бірінші бөлім). 1920-1970 жылдар» фотоальбомының тұсаукесеріне қатысты. Фотоальбомның авторы және құрастырушысы – Қазақстанның еңбек сіңірген қайраткері Жанай Омаров.
Фотоальбомның бірінші бөліміне Қазақстан Республикасы Орталық мемлекеттік кинофотоқұжаттар және дыбыс жазбалары архивінің қорындағы Қазақстанның белгілі көркем сөз шеберлерінің өткен ғасырдың 20-70 жылдарындағы фотосуреттері енгізілген.
Олардың қатарында М.Жұмабаев, А.Байтұрсынов, М.Дулатов, Ж.Аймауытов, М.Әуезов, Ғ.Мүсірепов, Ғ.Мұстафин, Б.Майлин, І.Жансүгіров, Т.Жароков, С.Мұқанов, С.Сейфуллин, Ж.Жабаев, Ә.Тәжібаев, Ә.Марғұлан, С.Омаров, І.Есенберлин, Ә.Нұрпейісов, Т.Молдағалиев, И.Шухов, Ю.Домбровский, Д.Снегин, М.Симашко, К.Тоқаев, М. Әлімбаев, Б.Момышұлы, Ә.Шәріпов, М.Мақатаев, С.Қирабаев, Ж.Нәжімеденов, Ә.Әбішев, И.Щеголихин, Ә.Кекілбаев, Н.Анов, М.Қаратаев, Л.Кривощеков, С.Бегалин, С.Мәуленов, З.Шашкин, О.Сүлейменов, Ә.Тарази, Г.Бельгер, Ә.Әлімжанов, М.Жолдасбеков, М.Шаханов, М.Зверев, Ш.Мұрзатаев, Г.Толмачев, Қ.Мұхамеджанов, Қ.Қайсенов , Ф.Оңғарсынова, М.Айтхожина және тағы басқалары бар.
Фотоальбомның тұсаукесеріне жазушылар, ғалымдар, архив мекемелерінің қызметкерлері, қоғам қайраткерлері қатысты.