2024 жылғы 29 ақпанда Орталық мемлекеттік ғылыми-техникалық құжаттама архивінің директоры Б.А.Жұматаева, директор орынбасары М.М.Бейсембаева және басқа да архив қызметкерлері Қазақстан Республикасы Мәдениет және ақпарат министрлігі Архив, құжаттама және кітап ісі комитетінің Орталық мемлекеттік архиві дайындаған «Кеңестік Қазақстан: денсаулық сақтау жүйесінің қалыптасуы мен дамуы (1917-1937 жж.)» атты құжаттар мен материалдар жинағының тұсаукесеріне қатысты.
Бұл архивтік құжаттар мен материалдар жинағы бүгінгі таңда отандық тарихнамада аз зерттелген тақырып болып табылатын Кеңестік Қазақстанның денсаулық сақтау жүйесінің қалыптасу және даму тарихына арналған.
Басылымға Орталық мемлекеттік архивтің, Қазақстан Республикасы Президенті Архивінің құжаттарымен бірге Орталық мемлекеттік ғылыми-техникалық құжаттама архивінің қорларында сақталатын еліміздің өткен ғасырдың 30-жылдарындағы індеттік жағдайы, Қазақ мемлекеттік туберкулез институты жұмысы және өзге да көптеген қызығушылық тудыратын құжаттар енгізілді.