2021 жылдың қараша айынын 26 күні Нұр-Сұлтан қаласында Қолжазбалар және сирек кітаптар ұлттық орталығында «Қазақстандағы жазба мұралардың реставрациясы және сақтау мәселелері» тақырыбында республикалық ғылыми-тәжірибелік семинар өтті. Оған Орталық мемлекеттік ғылыми-техникалық құжаттама архивінің қос бірдей қызметкері, ақпараттық технологиялар және цифровизация бөлімінің жоғары деңгейлі білікті маман-архивистері Абайбол Омарбеков және Азат Көпешов қатысты.

2021 ж. 24-26 қарашасында ҚР ОМҒТҚА қызметкерлері Т. П. Исакова мен Е. Скрипко «Қағазды идентификациялау» тақырыбындағы Халықаралық ғылыми-практикалық мастер-классқа қатысты. Шеберлік сабағын Германия Федеративтік Республикасының (Берлин қ.) маманы, қағазды қолдан жасаушы Г. Ульбрихт өткізді.

19 қараша. Алматыда Тәуелсіздіктің 30 жылдығын мерекелеу аясында ҚР Мәдениет және спорт министрлігінің Архив істері және құжаттаманы басқару комитетіне қарасты ҚР Орталық мемлекеттік архивінің 100 жылдығына арналған салтанатты іс-шара өтті.

ҚР ОМҒТҚА Қазақстан Республикасы Мәдениет және спорт министрлігінің Архив істері және құжаттаманы басқару комитетімен бірлесіп «Қазақстан архивтері» анықтамалығының жаңартылған басылымын дайындап жарыққа шығарды.